பேட்மேன் (Batman) மற்றும் தி டோர்ஸ் (The Doors) போன்ற படங்களின் மூலம்&nbsp;பிரபலமான, ஹொலிவுட் நடிகர் வால் கில்மர் (Val Kilmer) தனது 65ஆவது வயதில் காலமானார். அமெரிக்காவின் லொஸ் ஏஞ்சலீஸில் வாழ்ந்துவந்த வால் கில்மர் நிமோனியா பாதிப்பால் நேற்று (1)&nbsp;மரணமடைந்தாக&nbsp;அவரது மகள் மெர்ஸிடிஸ் உறுதிபடுத்தியுள்ளார். 1984 ஆம் ஆண்டு வெளியான டொப் சீக்ரெட்&nbsp;(Top Secret) என்ற படத்தின் மூலம் அறிமுகமான வால் கில்மர், 1986 ஆம் ஆண்டு டாம்க்ரூஸ் நடிப்பில் வெளியான டாப்கன் திரைப்படத்தில் நடித்ததால் அவரது வேடம் திருப்புமுனையாக அமைந்தது. 1990-களில் ஹொலிவுட் உலகில் கில்மர் கொடிகட்டி பறந்தார். 1995 ஆம் ஆண்டு வெளியான "பேட்மேன் ஃபாரெவர்"&nbsp;(Batman&nbsp;Forever)&nbsp;போன்ற சூப்பர் ஹீரோ படங்களிலும் நடித்து அனைவரது மனதிலும் இடம் பிடித்தார். 80க்கும் மேற்பட்ட படங்களிள் நடித்துள்ள கில்மர், வால் என்ற அவரது ஆவணப் படத்திலும் நடித்திருக்கிறார். வால் கில்மரின் இழப்பு இரசிகர்களிடையே பெரும் சோகத்தை ஏற்படுத்தியுள்ளது. மேலும் அவருடைய மறைவுக்குப் பலரும் இரங்கல் தெரிவித்து வருகின்றமையும் குறிப்பிடத்தக்கது.

பிரபல ஹொலிவுட் நடிகர் காலமானார்!

பிரபல ஹொலிவுட் நடிகர் காலமானார்!

You may also like