&nbsp;ஐக்கிய அரபு இராச்சியத்தில் நடைபெற்றுவரும் இளையோர் ஆசியக் கிண்ண கிரிக்கெட் தொடரில் பங்களாதேஷ் அணியுடனான போட்டியில் 7 ஓட்டங்களினால் த்ரில் வெற்றியீட்டிய இலங்கை அணி லீக் சுற்றில் தோல்வியுறாத அணியாக அரையிறுதிக்கு தகுதிபெற்றது. குழு பி யில் இடம்பெற்ற அணிகளான இலங்கை – பங்களாதேஷ் அணிகளுக்கிடையில் நேற்று முன்தினம் (03)துபாயில் நடைபெற்ற போட்டியில் நாணய சுழற்சியில் வென்ற இலங்கை முதலில் துடுப்பெடுத்தாடி 49.2 ஓவர்களில் அனைத்து விக்கெட்டுக்களையும் இழந்து 228 ஓட்டங்கள் பெற்றது. விமத் டின்சார 132 பந்துகளில் 106 ஓட்டங்கள் பெற்றார். 229 ஓட்டங்கள் என்ற இலக்கை நோக்கி பதிலெடுத்தாடிய பங்களாதேஷ் சிறந்த ஆரம்பத்தினை பெற்றதோடு ஒரு கட்டத்தில் 172 ஓட்டங்களுக்கு 3 விக்கெட்டுக்களை மாத்திரம் இழந்து காணப்பட்டது. 95 ஓட்டங்களை குவித்த கலாம் சித்தீக்கி ஆட்டமிழக்க அடுத்தடுத்து சடுதியாக விக்கெட்களை இழந்த பங்களாதேஷ் 49.3 ஓவர்களில் அனைத்து விக்கெட்டுக்களையும் இழந்து 221 ஓட்டங்களை மாத்திரமே எடுத்தது. இதன் மூலம் இலங்கை அணியானது 6 புள்ளிகளுடன் புள்ளிப்பட்டியலில் முதலிடத்தை பிடித்து அரையிறுதிக்கு முன்னேறியது. இலங்கை அணியின் அரையிறுதி ஆட்டம் நாளை (06)&nbsp;நடைபெறவுள்ளது.

தோல்வியுறாத அணியாக அரையிறுதிக்குள் நுழைந்த இலங்கை

தோல்வியுறாத அணியாக அரையிறுதிக்குள் நுழைந்த இலங்கை

You may also like