மத்திய கிழக்கு நாடான சிரியா முழுவதும் மின் விநியோகத்தடை ஏற்பட்டுள்ளதாக சிரிய மின்சக்தி அமைச்சு அறிவித்துள்ளது. &nbsp;சிரியாவின் தேசிய மின் கட்டமைப்பின் பல இடங்களில் ஏற்பட்டுள்ள கோளாறுகள் காரணமாக இவ்வாறு மின்சார விநியோகத்தடை ஏற்பட்டுள்ளதாகத் தெரிவிக்கப்படுகிறது. தொழில்நுட்பக் குழுக்கள் விரைவில் மின்சார விநியோகத்தை வழமைக்குக் கொண்டு வருவதற்கான முயற்சிகளை முன்னெடுத்து வருவதாகத் தெரிவிக்கப்பட்டுள்ளது. &nbsp;இதேவேளை சிரியாவின் பெரும்பாலான பகுதிகளில் அரசு வழங்கும் மின்சாரம் ஒரு நாளைக்கு இரண்டு அல்லது மூன்று மணி நேரம் மட்டுமே கிடைக்கிறது. ஜனாதிபதி அகமது அல்-ஷாராவின் கீழ் உள்ள இடைக்கால அரசாங்கம், ஜோர்தானில் இருந்து மின்சாரத்தை இறக்குமதி செய்வதன் மூலமும், மிதக்கும் மின் படகுகளைப் பயன்படுத்துவதன் மூலமும் மின்சார விநியோகத்தை விரைவாக அதிகரிப்பதாக உறுதியளித்துள்ளது. இருப்பினும், தாக்குதல் காரணமாக இவ்வாறானதொரு நிலைமை ஏற்பட்டதா? என்பதற்கான ஆரம்பகட்ட அறிகுறிகள் எதுவும் இல்லை எனவும் சிரியாவின் மின்சக்தி அமைச்சு தெரிவித்துள்ளது. இதேவேளை சிரியாவில் நிலவும் பொருளாதார நெருக்கடி அதிகரித்து வருவதால், நாடு தழுவிய மின் தடை ஏற்பட்டுள்ளதாகவும்&nbsp;அதிகாரிகள் தெரிவித்துள்ளமையும் குறிப்பிடத்தக்கது.

சிரியாவில் மின் விநியோகம் தடை

சிரியாவில் மின் விநியோகம் தடை

You may also like