தம்புள்ளை பிரதேசத்தில் வெடி பொருட்கள் வைத்திருந்த இருவரை கைது செய்துள்ளதாக பொலிஸார் தெரிவித்துள்ளனர். கெக்கிராவ பேருந்து நிலையத்திற்கு அருகில் சிவில் உடையில் காத்திருந்த சில பொலிஸ் உத்தியோகத்தர்கள் இவ்விரு நபர்கள் மீதும் சந்தேகம் கொண்டு மேற்கொண்ட பரிசோதனையில் குறித்த வெடி பொருட்கள் கைப்பற்றப்பட்டுள்ளன. இவ்வாறு கைது செய்யப்பட்டவர்களிடம் விசாரணைகளை மேற்கொண்ட போது, இவர்கள் இரத்தினபுரி மற்றும் பிலியந்தலை பிரதேசங்களைச் சேர்ந்த 43 மற்றும் 33 வயதுடையவர்கள் என பொலிஸார் தெரிவித்துள்ளனர். குறித்த வெடி பொருட்களை தியபெதும பிரதேசத்தில் புதையல் ஒன்றை எடுப்பதற்காக பாறையை வெடிக்கச் செய்வதற்காக அழைத்து வரப்பட்டதாக தெரிவித்துள்ளனர். சந்தேகநபர்கள் தொடர்பிலான உண்மைகளை நீதவான் நீதிமன்றில் முன்வைத்து அவர்களை தடுத்து வைத்து விசாரணை நடத்துவதற்குத் தேவையான சட்டப் பின்னணியை நடைமுறைப்படுத்தவுள்ளதாக தம்புள்ளை பொலிஸார் தெரிவித்தனர். மேலும், கைது செய்யப்பட்டவர்களிடமிருந்து 15 எலெக்ட்ரிக் டெட்டனேட்டர்கள், 500 கிராம் அம்மோனியம், கலப்படங்கள் நிரப்பப்பட்ட ஜெல் கேப்சூல் மற்றும் பொலிஸ் சீருடைக்கு நிகரான ஆடையும் கண்டுபிடிக்கப்பட்டதாக தம்புள்ளை தலைமையக பொலிஸ் பரிசோதகர் வசந்த குமார தெரிவித்தார்.

வெடி பொருட்களுடன் இருவர் கைது

வெடி பொருட்களுடன் இருவர் கைது

You may also like